Dokumentua eskura dago bi erakundeen web-orrietan: www.inteco.es eta www.anovagroup.es hurrenez hurren, eta bideozaintzaren funtzionamendua eta erabilera ulertzeko gakoak eskaintzen ditu.

Pertsonen irudia, identifikatua edo identifikagarria izan daitekeen heinean, datu pertsonala da eta haren tratamendu desegokiak arriskua sor dezake haien pribatutasunerako eta intimitaterako. Horregatik, jasota daude jarduera horren eraginpeko ondasun juridikoak, bideozaintzari aplikatu beharreko araudi aplikagarria, printzipioak eta arau orokorrak, erantzuleen betebeharrak eta irudietan hartutako herritarren eskubideak.

Horretan oinarrituta hainbat aplikazio identifikatzen dira, bizilagunen erkidego batean, kirol-gertakari batean, merkataritza-establezimendu batean edo langileek enpresa batean duten egitekoa kontrolatzeko testuinguruan irudiak hartzea, besteak beste. Kasu horietako bakoitzerako, datuak babesteko araudiak xedatutako bideozaintza-sistemak erabiltzearen inguruko betebeharrak zehazten dira, eta baita arau espezifikoek kasu bakoitzean adieraz dezakeena ere.

Gaztelaniaz eta ingelesez dago gida osoa eta haren laburpena katalanez, euskaraz, galizieraz eta valentzieraz ere badago.