Beste behin, azterlanak Espainiako etxeetako egoeraren diagnostiko zehatza eskaintzen du informazioaren segurtasunari eta e-konfiantzari dagokienez: ekipamenduetan zein segurtasun tresna dauden instalatuta, zuhurtziazko zein ohitura dauden nabigazioan, malware-ak zein neurritan eragiten dien ordenagailuei eta Interneteko erabiltzaile espainiarrek zein eskari egiten dizkioten Administrazioari. Besteak beste, galdera horiei erantzun nahi die txostenak.

Azken helburua informazioaren segurtasunari eta e-konfiantzari loturiko adierazle eta politika publiko nagusien ezagutza eta jarraipena sustatzea da. Horrela, txostenak Administrazioak politika publikoak diseinatzeko eta gauzatzeko lagungarri izan nahi du, baita industriak eta erabiltzaileek beraiek neurriak hartzeko ere.

Txosten osoa erabilgarri dago gaztelaniaz. Azterlanaren laburpen exekutiboa eta aipamena erabilgarri daude ingelesez, katalanez, galizieraz, euskaraz eta gaztelaniaz.