O Observatorio da Seguridade da Información é un referente nacional e internacional ao servizo dos cidadáns, empresas e administracións españolas para describir, analizar, asesorar e difundir a cultura da seguridade e a confianza da Sociedade da Información.

Para iso, o Observatorio dispón dun Plan de Actividades e Estudos co obxectivo de xerar coñecemento especializado e útil en materia de seguridade por parte de INTECO, así como da elaboración de recomendacións e propostas que definan tendencias válidas para tomar decisións de futuro por parte dos poderes públicos.

Dentro deste plan de actividades realizaranse labores de investigación, análises, estudos, asesoramento e divulgación que atenderán, entre outras, ás seguintes estratexias:

• Elaboración de estudos e informes propios en materia de seguridade das Tecnoloxías da Información e da Comunicación, con especial énfase na Seguridade en Internet.
• Seguimento dos principais indicadores e políticas públicas relacionadas coa seguridade da información e a confianza no eido nacional e internacional.
• Xeración dunha base de datos que permita a análise e avaliación da seguridade e da confianza cunha perspectiva temporal.
• Promoción de proxectos de investigación en materia de seguridade TIC.
• Difusión de estudos e informes por parte doutras entidades e organismos nacionais e internacionais, así como de información sobre a actualidade nacional e europea en materia da seguridade e da confianza na Sociedade da Información.
• Asesoría ás administracións públicas en materia de seguridade da información e confianza, así como o apoio para a elaboración, seguimento e avaliación de políticas públicas neste eido.